बाबुको मृत्यु, छोरा घाइते

रत्ननगर । रत्ननगरमा भएको सवारी दुर्घटनामा एकजना सवारी चालकको मंगलबार राति मृत्यु भएको छ । उनका छोरा भने गम्भीर घाइते भएका छन् ।
नारायणगढबाट पूर्वतर्फ जाँदै गरेको ना. १ घ ४८९ नम्बरको ट्याङ्करले नम्बर नखुलेको स्कुटरलाई बचाउन खोज्दा दुर्घटना भएको हो । दुर्घटनामा परी गम्भीर घाइते भएका ट्याङ्कर चालक हेटौँडा–९ का कृष्णबहादुर रूम्वाको उपचारका क्रममा पुरानो मेडिकल कलेजमा मृत्युभएको हो । उनका छोरा दीपकको सोही कलेजमा उपचार भइरहेको प्रहरीले जनाएको छ ।