एमाओवादीको कार्यसमिति

भरतपुर । एकीकृत नेकपा माओवादी भरतपुर नगरपालिका २ को सोमबार सम्पन्न ऐतिहासिक वडा सम्मेलनले मुकुन्द पौडेलको अध्यक्षतामा १९ सदस्यीय नयाँ कार्यसमिति निर्विरोध निर्वाचित गरेको छ ।

निर्वाचित कार्यसमितिका उपाध्यक्षमा माधव देवकोटा, सचिवमा सन्तोष श्रेष्ठ रहेका छन् । यसैगरी सम्मेलनले खीमलाल भण्डारी, यज्ञप्रसाद घिमिरे, शान्ता अधिकारी, गीता निरौला, मुकुन्द पौडेल, सन्तोष श्रेष्ठलाई जिल्ला प्रतिनिधि र चन्द्रकला पौडेललाई पर्यवेक्षकमा निर्वाचित गरेको छ ।
दुई सत्रमा सम्पन्न कार्यक्रमको उद्घाटन सत्रको एकीकृत नेकपा माओवादीका जिल्ला संयोजक नारायण दाहालले उद्घाटन गर्नुभएको थियो । उद्घाटन कार्यक्रममा दाहालले पार्टी शुद्धीकरण आवश्यक भएको बताउनुभयो । संविधानसभा निर्वाचनको परिणामबारे दाहालले पूँजीवादी राज्य संरचनामा अड्किएका कारण वर्गीय धरातल बिर्सिएको स्वीकार गर्दै कमीकमजोरी सच्याउँदै अगाडि बढ्न आवश्यक रहेको बताउनुभयो ।
वडा संयोजक खिमलाल भण्डारीको अध्यक्षतामा सम्पन्न कार्यक्रममा निर्वाचन आयुक्त ईश्वर सापकोटा, मित्रराज दवाडी, बबिता तामाङ, यज्ञ घिमिरे, रमेश पौडेललगायतले सम्मेलन सफलताको शुभकामना दिनु भएको थियो ।