शान्ति समितिको छलफल

नारायणगढ । स्थानीय शान्ति समिति चितवनले झापा, इलाम, पाँचथर र ताप्लेजुङको स्थानीय शान्ति समितिहरुसँग छलफल गरेको छ । जिल्लामा शान्ति कायम गर्नका लागि स्थानीय शान्ति समिति चितवनले भए गरेका प्रयासका बारेमा संयोजक जितनारायण श्रेष्ठले जानकारी गराउनु भएको थियो ।
त्यसैगरी स्थानीय शान्ति समिति झापाका संयोजक सूर्यनारायण गणेश, इलामका संयोजक बसन्ती घतानी, पाँचथरका संयोजक लय बास्कोटा र ताप्लेजङका संयोजक धनेन्द्र माथेमले आआफ्नो जिल्लामा स्थानीय शान्ति समितिले गरेका प्रयास र भावी कार्ययोजनाका विषयमा प्रकाश पार्नु भएको थियो ।
दस वर्षे जनयुद्ध, १९ दिने जनआन्दोलन र मधेश आन्दोलनमा भएका मृतक, घाइते, विस्थापित, अपहरण, बेपत्ता, अपाङ्ग, सम्पतिको क्षतिको जिल्लामा दिइएको राहतका विषयमा छलफल गरिएको थियो । जिल्लाहरुले गरेका अनुभवको आदान–प्रदानका लागि स्थानीय शान्ति समिति चितवनको ९ वटा राजनीतिक दलका प्रतिनिधि, सहायक प्रमुख जिल्ला अधिकारी र मानवअधिकारवादी संघ संगठनका प्रमुखहरु, अमर प्रहरी परिवार, द्वन्द्व पीडितका परिवारलगायतका सहभागिता रहेको छ ।