भरतपुर । नेपाल प्रेस युनियन चितवनले विभिन्न विभाग गठन गरेको छ । युनियनको कार्ययोजना तयार पार्दै वार्षिक कार्ययोजनाका लागि विभाग गठन गरी जिम्मेवारी बाँडफाँड गरेको हो ।
प्रेस युनियन चितवनको मंगलबार बसेको बैठकले ९ वटा विभाग गठन गरेको सचिव अनिल ढकालले जानकारी दिनुभयो । युनियनले संचालन गर्न लागेको मिडिया सेन्टरका लागि अध्यक्ष नारायण अधिकारीको संयोजकत्वमा विभाग गठन गरेको छ ।
मिडिया सेन्टरले अनलाइन समाचार सेवा सुरू गरी विभिन्न सूचनामूलक कार्यक्रम संचालन गर्नेछ । त्यस्तै, उपाध्यक्ष पूर्ण शर्माको संयोजकत्वमा प्रशिक्षण विभाग गठन भएको छ । ढकालको संयोजकत्वमा संगठन विस्तार विभाग र अन्तत्र्रिmया विभाग गठन गरेको छ ।
कोषाध्यक्ष विष्णुकान्त काफ्लेको संयोजकत्वमा प्रकाशन व्यवस्थापन विभाग, बालकृष्ण थपलियाको संयोजकत्वमा सम्पादक विभाग, प्रस्ताव सुवेदीको संयोजकत्वमा अवलोकन तथा भ्रमण विभाग, सदस्य अनिता खनालको संयोजकत्वमा महिला विभाग र केन्द्रीय पार्षद् केशव भट्टराईको संयोजकत्वमा पूर्वी क्षेत्र विभाग गठन गरेको छ ।
नेपाल प्रेस युनियन चितवनले गत फागुन १७ गते सौराहामा भएको कार्ययोजना गोष्ठीबाट प्राप्त सुझावको आधारमा कार्यक्रम गर्न लागि विभाग गठन गरेको हो । वैठकले आगामी वर्ष गरिने कार्यक्रमसमेत तय गरेको छ । वैठक नेपाल प्रेस युनियन चिवननका अध्यक्ष अधिकारीको अध्यक्षतामा सम्पन्न भएको हो ।
Discussion about this post