दुईजना मृत फेला

नारायणगढ । चितवनका दुई छुट्टाछुट्टै स्थानमा दुई जना मृत फेला परेका छन् । चितवनको दियालो रोड नजिकै नारायणी नदी किनारमा एक पुरूष र मङ्गलपुरस्थित नदी किनारमा एक महिला मृत फेला परेको जिल्ला प्रहरी कार्यालय चितवनले आज जानकारी दिएको छ ।
प्रहरीका अनुसार नारायणी नदी किनारमा अन्दाजी ४०÷४५ वर्षका एक पुरूषको शव फेला परेको हो । शवको सनाखत भने हुन सकेको छैन ।
यस्तै मङ्गलपुरस्थित ज्ञानेश्वर सामुदायिक वन नजिकै घोप्टिएको अवस्थामा महिलाको शव फेला परेको हो । स्थानीयवासीले दिएको सूचनाको आधारमा खोजी गर्दै जाँदा महिलाको शव फेला परेको हो । महिलाको पनि सनाखत हुन नसकेको प्रहरीले जनाएको छ ।
दुवै शव परीक्षणका लागि भरतपुर अस्पतालमा राखिएको छ । घटनाको कारण भने नखुलेको प्रहरीले जनाएको छ ।