फोहोर व्यवस्थापन अनुशिक्षण सकियो

रत्ननगर । पूर्वीचितवनको रत्ननगरमा आयोजना गरिएको वातावरणमैत्री तथा फोहोरमैला व्यवस्थापनसम्बन्धी दुई दिने अनुशिक्षण कार्यक्रम आइतबार सकिएको छ ।
रत्ननगर नगरपालिकाको साझेदारीमा नवदुर्गा आमा समूह रत्ननगरले आयोजना गरेको तालिममा रत्ननगर–१ अन्तर्गत रहेका टोल विकास संस्थाका ५० जनाको सहभागिता रहेको संस्थाकी अध्यक्ष एञ्जिला कुँवरले जानकारी दिनुभयो । अनुशिक्षण कार्यक्रममा सहभागीहरुलाई चन्द्रप्रसाद आचार्य र तुलसी ज्ञावलीले जैविक र अजैविक फोहोरको व्यवस्थापनको बारेमा सहजीकरण गर्नुभएको थियो ।
रत्ननगर नगरपालिकाका कार्यकारी अधिकृत सहदेवप्रसाद श्रेष्ठको प्रमुख आतिथ्यतामा भएको समापन कार्यक्रम टोल विकास संस्था नगर समन्वय समितिका संयोजक बाबुराम गौतम, नगरपालिकाका सामुदायिक विकास शाखा प्रमुख तोरणराज पौडेल, संस्थाका सचिव संगिता तिमिल्सिना, सहभागीको तर्फबाट इमा चौधरीलगायतले बोल्नुभएको थियो । संस्थाकी अध्यक्ष एञ्जीला कुँवरको अध्यक्षतामा कार्यक्रम भएको थियो ।