तनहुँ, १६ चैत । पृथ्वीराजमार्गअन्र्तगत दमौली डुम्रे सडकखण्डअन्तर्गत पर्ने घाँसीकुवा गाविस वडा नं ५ मा बस र ट्रक आइतबार एक आपसमा ठोकिँदा ११ जना घाइते भएका छन् ।
सदरमुकाम दमौलीबाट डुम्रेतर्फ जाँदै गरेको ना२ख २६९२ ट्रक र विपरीत दिशाबाट आइरहेको ग१ख ४१८७ नम्बरको बस ठोकिएको प्रहरीले जनाएको छ ।
घाइते हुनेमा ट्रकका सहचालक र बसका यात्रु रहेको बुझिएको छ । उनीहरुको दमौलीस्थित एपोलो र स्थानीय अस्पतालमा उपचार भइरहेको छ ।
Discussion about this post