अपाङ्गता भएका व्यक्तिलाई तालिम

भरतपुर । अपाङ्गता भएका व्यक्तिहरुको लागि १५ दिने मुढा बुन्ने तालिम भतरपुरमा शुक्रबारदेखि सुरु भएको छ । शिक्षा स्वास्थ्य रोजगार अपाङ्गता भएका व्यक्तिहरुको अधिकार भन्ने मुल नाराका साथ सुरु गरिएको तालिममा १४ जनाले सहभागिता जनाएका छन् ।
चितवन वहिरा संघ, भरतपुर नगरपालिका, नगर अपाङ्ग समन्वय समितिले संयुक्त रुपमा आयोजना गरेको कार्यक्रममा सीताराम पाण्डे र सीता सापकोटाले प्रशिक्षण दिएका छन् । उद्घाटन कार्यक्रममा भरतपुर नगरपालिकाका सामाजिक विकास अधिकृत रामकृष्ण ढकाल, बौद्धिक अपाङ्ग संघकी सचिव सुशीला कुँवर, भरतपुर १० नम्वर वडा सचिव बालकृष्ण थपलिया, नेत्र ज्योति संघका जिल्ला अध्यक्ष भरतमणि भट्ट, अपाङ्ग संघ भरतपुरका अध्यक्ष बालकृष्ण श्रेष्ठ लगायतको सहभागिता रहेको थियो । कार्यक्रम चितवन बहिरा संघ अध्यक्ष विष्णु माया पौडेलको अध्यक्षतामा भएको थियो ।