नयाँ नेतृत्वको दायि¤व

रत्ननगर उद्योग वाणिज्य संघको १५औँ साधारण सभा तथा अधिवेशनले नयाँ नेतृत्व चयन गरेको छ । संघको भर्खरै सम्पन्न अधिवेशनमा एमाले–एमाओवादी र कांग्रेस–माओवादीको छुट्टाछुट्टै गठबन्धन बनेको थियो । निर्वाचनमा दुवै गठबन्धनका उद्योगी व्यवसायीहरु निर्वाचित भएका छन् । संविधानसभा निर्वाचनकै झल्को दिनेगरी भएको अधिवेशनले संघमा आगामी दिनमा गठबन्धन गरेर विभाजित हुनुभन्दा उद्योगी व्यवसायीहरु मिलेर जानुपर्ने शिक्षा दिएको छ । दलीय स्वार्थभन्दा माथि उठेर उद्योगी व्यवसायीहरुको हितमा काम गर्नसक्ने पदाधिकारीहरुलाई सर्वसम्मत चयन गर्नुपर्ने सन्देशसहित संघको अधिवेशन सम्पन्न भएको छ । लोकतान्त्रिक मान्यताअनुसार जित–हारलाई सबैले आत्मसात् गर्नुपर्छ । सबैको साझा प्रयासबाट मात्रै संघलाई अघि बढाउन सकिन्छ ।
रत्ननगर बजारलाई व्यवस्थित गरी व्यवसायीहरुको हकहितअनुरुप नेतृत्वले अर्थपूर्ण उपलब्धिहरु हासिल गर्नु आवश्यक छ । संघको नवनिर्वाचित नेतृत्वलाई छिमेकी गाविससँग मैत्रीपूर्ण व्यावसायिक सम्बन्ध विकसित गर्दै अस्वस्थ प्रतिस्पर्धा हटाउनु पर्ने दायि¤व पनि थपिएको छ । नवनिर्वाचित अध्यक्ष ज्ञानबहादुर विसुरालले रत्ननगरमा चार लेनको सडक निर्माणको काम तत्काल सुरू गर्ने प्रतिबद्धता जनाएका छन् । यसअघि रत्ननगरमा चार लेनको सडक बन्ने चर्चा चले पनि हालसम्म योजनाले गति लिएको छैन । विसुरालले आफ्नो कार्यकालमा सो काम पूरा गर्ने जनाएका छन् । नयाँ नेतृत्वले रत्ननगरको बजार व्यवस्थापन गर्ने, व्यावसायिक सुरक्षाका लागि पहल गर्ने, प्रवद्र्धन गर्नेदेखि कृषि, स्वास्थ्य, शिक्षा, पर्यटन, उद्योगलगायतको विकासमा कार्ययोजना बनाएर अघि बढ्नु पर्ने दायित्व छ ।
रत्ननगरमा अझै पनि बजार व्यवस्थापन हुन सकेको छैन । मुख्य व्यापारिक केन्द्र नारायणगढपछि रत्ननगर बजारकै नाम आउने गरे पनि त्यसले व्यावसायिक ख्याति कमाउन सकेको छैन । रत्ननगर बजारभित्रै एउटै वस्तु तथा सेवाको मूल्य फरक–फरक छ । व्यवसायीहरुमा एकरुपता छैन । स्वस्थ प्रतिस्पर्धा पनि हुन सकेको छैन । व्यवसायलाई प्रतिस्पर्धी बनाएर ग्राहकलाई बढीभन्दा बढी सेवा दिने प्रयत्न गरिएको छैन । नगरोन्मुख गाउँ तथा सहरोन्मुख बजार क्षेत्रको जति पनि साख हासिल गर्न नसक्नु संघको कमजोरी हो । अहिले छिमेकी गाउँबाट आउने ग्राहकलाई सुलभ र गुणस्तरीय वस्तु तथा सेवा बिक्री गर्न रत्ननगरका व्यवसायी चुकेका छन् ।
ग्राहकले धार्मिक तथा शुभ कार्यमा सपिङ गर्न मुख्य बजारतर्फ उन्मुख हुनुको कारण यहाँका व्यवसायीहरुले ग्राहक आकर्षित गर्न नसक्नु नै हो । रत्ननगर एउटा राम्रो व्यापारिक तथा व्यावसायिक कृषि तथा पोल्ट्री व्यवसायका लागि पनि उपयुक्त क्षेत्र हो । यति हुँदाहुँदै यसले व्यापारिक केन्द्रको गरिमा जोगाउन नसक्नु दुर्भाग्य हो । संघले बजार व्यवस्थापन गर्न नसकेको, व्यावसायिक सुरक्षा दिन नसकेको र अस्वस्थ प्रतिस्पर्धा हटाउन नसकेको गुनासोलाई यथाशीघ्र चिर्नु अपरिहार्य छ । नयाँ नेतृत्वले पूर्वी चितवनकै समग्र विकासका लागि सरोकारवाला निकायहरुसँग समन्वय गर्नु जरूरी देखिएको छ । घरको बगैँचामा आँप, लिची, आरु, कटहर, अम्बाहरुमा यति मजासँग फूल ९मञ्जरी० फुलेका छन् कि दाना पनि त्यहीअनुसार लाग्ने हो भने रेनी सिजन ९वर्षात्को समय० भरि नै फलफूल किन्न पर्ने थिएन । मेरो त बिहान–बिहान केही समय बगैँचाका फलफूलमा लागेको पालुवा र फूल हेरेर नै बित्ने गरेको छ । असाध्यै आनन्द लाग्छ, रुखबिरुवाले पनि यसरी सोचेजसरी नै प्रगति गरेको पाउँदा १