गृह » पर्यटन प्रवद्र्धनमा राष्ट्रको ध्यान जाओस्
पाठक पत्र

पर्यटन प्रवद्र्धनमा राष्ट्रको ध्यान जाओस्

प्रकृतिले सम्पन्नशाली नेपालजस्तो पर्यटकीय गन्तव्य बोकेको देशमा पर्यटन प्रवद्र्धनजस्तो अति आवश्यक काम कुनै पनि घोषणापत्रमा उल्लेख नगर्दा साहै्र नमज्जा लाग्यो । धेरैको घोषणापत्र पढियो, २०९९ सालसम्म बन्ने नयाँ नेपालको सपना देखाउने नेताहरुको ध्यान पर्यटन प्रवद्र्धनप्रति नगएको नै देखिन्छ ।
हामीसँग यति धेरै प्राकृतिक सम्पत्ति छन् कि सायद् अरु देशहरुसँग बिरलै होलान् । केही वर्षअगाडिको मरूभूमि, अहिलेको यूएई कत्ति पनि प्रकृतिको स्रोतसाधन नभएको राष्ट्र आज हेर्नुहोस्, विकसित राष्ट्रको सूचीमा अगाडि बढिरहेको छ । पर्यटनलाई मुख्य आम्दानीको स्रोत मान्ने कतिपय मुलुकहरु जस्तै यूएई, कतार, सिङ्गापुर आदिमा राष्ट्रले नै तारे होटल र पर्यटन प्रवद्र्धनसम्बन्धी संरचनामा लगानी गर्दछन् र आम्दनी वढाउँछन् । तर, हाम्रो नेपालमा धनीहरुले ५ तारे होटलमा लगानी गर्दछन् र उनीहरु नै झन् धनी हुन्छन् । नेपालमा पनि राष्ट्रको लगानीमा पर्यटकीय ठाउँहरुमा होटल, पार्क इत्यादि खोल्न सकेमा बीएचएम, टुर एण्ड ट्राभल पढेका ९० प्रतिशत विद्यार्थी नेपालमा स्कोप छैन भन्दै बाहिर जानु पर्दैनथ्यो होला ।
पर्यटन प्रवद्र्धनजस्तो कार्य गर्दा एकातिर युवाका लागि देशमै रोजगारी सिर्जना हुने र अर्कोेतर्फ देशको आम्दानीको स्रोतमा पनि वृद्धि हुने भएकाले यी धारणाप्रति सरकारको ध्यानाकर्षण जान जरूरी छ ।
आकाश घिमिरे
(भरतपुर–१०)

 

 

Comments

About the author

चितवन पोष्ट